Sarcasm ki malika...

sarcasm ki malika
satire ki maharani

na sune kabhi kisi ki
sadaa kare man-mani

mumma ki laadli
papa ki bitiya-rani

doston me best
shararat me nani

zid pe utre to kehar hai
manwa le apni baat, aisi gyani

doston ki dost hai
dushmanon ke liye hai jhansi ki rani

cutest me cute hai
beauties bhare iske saamne paani

jab ho chup-chap baithi
to bhi dimag me chalti hai koi karastani

laakh samjha ke dekh lo
karti hai wahi jo mann me hai thani

aankhon me chamak liye hai
ek chehra noorani

sabse alag soch-samajh hai
ada alag anjani

is duniya me sabse pyari, dost hai meri
sabse naadan phir bhi sabse sayaani

- Vivek